مندى بالفرن بالخطوات والصور

طريقة جديدة للمندى فى الفرن سهلة ولذيذة ومش بتاخد وقت أو مجهود يالا نبتدى
بسم الله


أول حاجة نجيب الفرخة ونقطعها أربع أجزاء


ونحضر تتبيلة عبارة عن ملح فلفل كارى كركم قرفة مطحونة قرنقل مطحون حبهان مطحون و3 معالق كبيرة زيت وشوية خل


وندهن الفرخة كلها بالتتبيلة دى ونسيبها فيها ساعة

وبعدين نجيب بصلة ونقطعها صغير جدا ونجيب صنية ونحط فيها زبدة ونحمر فيها البصل وحبهان صحيح وقرنفل وقرفة أعواد لغاية مايبقى البصل لونه ذهبى

وبعدها نضيف له الرز اللى طبعا كان مغسول ومنقوع من قبل كده بنص ساعة

ونضيف للرز 3 كوب ماء ساخن طبعا انا أضفت 3 كوب علشان انا عاملة مقدار 2 كوب من الرز انما مثلا لو انتى عاملة مقدار 3 كوب رز يبقى تضيفى 4 كوب ماء وهكذا

ونغطى الرز بعدها بالفويل ونعمل فيه فتحات بالسكين


ونحط الفراخ المتبلة فوق طبقة الفويل اللى عملناها على الرز

ونرجع نغطى الفراخ بالفويل

وندخلها الفرن على درجة 180 ونسيبها ساعة وده شكلها بعد ما استوت

بعدها نحطها تحت الشواية 10 دقايق علشان نحمر الفراخ

نجيب فنجان ونحط فيه شويه زيت ونحط فيه فحمة مشتعلة علشان نعطى للفراخ رائحة الشوى

وبالهنا والشفا
IMG]http://up.graaam.com/forums/501527/11288119654.jpg[/IMG]